اردو نظم اور نظم گو شعراء

تمام احباب کا اس صفحے پر خیر مقدم کیا جاتا ہے۔

…………………………………………

اس صفحے پر نیٹ جے آر ایف اُردو نصاب کے عین مطابق (یونٹ چار) اردو نظم اور نظم گو شعرا پر مواد اپلوڈ کیا گیا ہے۔ جس کے ذریعے تمام احباب اردو نظم اور نظم گو شعرا یونٹ کو آن لائن پڑھ سکتے ہیں۔ اگر آپ اس یونٹ کو آن لائن پڑھنا چاہتے ہیں تو نیچے دئے گئے کسی بھی موضوع پر کلک کریں اور اپنا پسندیدہ موضوع آن لانن پڑھیں۔

(Note:- Some Data Uploaded Soon)

………………………………………………

نظم کا فن

نظم کی صنفی شناخت

اُردو میں نظم نگاری کا آغاز و ارتقا

نظم گو شعراء اور اُن کی نظمیں

نظیر اکبر آبادی

نظیر : حیات اور نظم نگاری

اردو کے عوامی شاعر نظیر اکبر آبادی کا اصل نام ولی محمد تھا ۔ان کے والد محترم سید محمد فاروق عظیم آباد کے نواب کے مصاحبین میں شمار کیے جاتے تھے جن کی شادی آگرہ کے مقطعہ دار سلطان خان کی بیٹی سے ہوئی تھی۔ سید محمد فاروق کی تیرواں اولاد ولی محمد ہے ان سے قبل 12 اولاد فوت ہوچکے تھے۔نذیر کی پیدائش 1735 عیسوی میں دہلی میں ہوئی ۔1757 میں احمد شاہ ابدالی کے حملے کے وقت اپنی ماں کو لے کر آگرہ آئے تھے اوریہیں کے ہو لیے اور ہر جگہ آگرہ کو ہی اپنا وطن قرار دیتے ہیں ۔ ان کے خاندان اور ماحول کی وجہ سے نظیر میں سپہ گری کے فن میں کمال حاصل کیا تھا ۔فارسی عربی اردو ہندی-پنجابی اور سنسکرت پر عبور حاصل تھا ۔نظیر کے محبوب مشکلوں میں داؤ پیج کشتی تلوار چلانا بلم وغیرہ شامل تھے۔اس کے علاوہ وہ تلواربازی مرغ بازی اور پنجہ لڑانے کے فن میں بھی ماہر تھے ۔ 1770میں جب میر دہلی میں سے آگرہ لوٹے تو میاں نظیر نے ان سے ملاقات کی اور ایک غزل سنائی ۔اس وقت نظیر کی عمر 34 سال کی تھی لیکن انہیں بچپن سے ہی شاعری کا شوق رہا ۔نظیر کے والد ایک سنی مسلمان تھے اور نذیر امامیہ مذہب کے قائل تھے۔ادھیڑ عمر میں ظہور النساء بیگم بنت عبدالرحمن چغتائی سے شادی کی ۔نظیر کے بیٹے کا نام خلیفہ سید گلزار علی اسیر اور بیٹی کا نام امانی بیگم ہے ۔1827 عیسوی میں فالج کے مرض میں مبتلا ہوئے اور 16 اگست 1830 عیسوی میں انتقال فرما گئے ۔نماز جنازہ دو مرتبہ سنی اور امامیہ طریقے سے پڑھائی گئی ۔لیکن ان کی تدفین امامیہ طریقہ پر ہوئی ۔انہی کے مکان میں موجود نیم کے درخت کے زیر دفن ہے ۔

اردو نظم کے معمار اول اور امام اردو نظم نظیر اکبر آبادی اردو شاعری میں سب سے زیادہ متروک الفاظ استعمال کیے۔نظیر نے جتنے ہندوستانی الفاظ اپنی شاعری میں استعمال کیے ہیں اتنے کسی دوسرے نے ان سے پہلے نہیں کیا۔ نظیر کی کلیات میں تین مختصر قصیدے ہیں جن میں انہوں نے زمانے کی نیرنگی اور دنیا کی بے ثباتی کا بیان کیا ہے ۔پہلا قصیدہ نیرنگی زمانہ کے بیان میں ہے اور دوسرے اور تیسرے قصیدے میں نظیر نے میر کے اس مشہور قطعے کی طرز میں جس کا پہلا مصرع ہے :

کل پاؤں اک کاسہ سر پر جو آگیا

“نظیر کا وجود ہی اردو شاعری میں بے نظیر تنقید ہے ۔” بقول کلیم الدین احمد

” نظیر کے یہاں کبیر کے اخلاق اور خسرو کے ذہن کا ایک دلکش امتزاج ملتا ہے۔” بقول نیاز فتح پوری

” نظیر کا دماغ چھوٹا اور تجربہ محدود ہے-” بقول شمس الرحمن فاروقی

نظیر کی نظم کلجگ کو مجنوں گورکھپوری نے روسو کی معاشرتی عہد نامہ کے مماثل قرار دیا ہے ۔

نیاز فتح پوری نے نظیر کو چٹکے باز شاعر کہا ہے ۔

نظیر کی نظموں کے نام :–

تمدن :- عرس حضرت سلیم چشتی ، شب برات ، عید ، عید الفطر ،عید گاہ ،اکبر آباد ،ہولی، دیوالی راکھی

میلے :- آگرے کی تیراکی، بلدیوجی کا میلا

کھیل تماشی :- کبوتر بازی ،بلبلوں کی لڑائی ،گلہری کا ،بچہ ریچھ کا بچہ، ازدہے کا بچہ

حب وطن :- تاج گنج کا روضہ ،شہر اکبر آبادی کی تعریف ،شیرآشوب ،شہر آگرہ

فطرت مدارج عمر :- طفلی،حضرت امام طفلی، جوانی ،بڑھاپا، بڑھاپے کی تعلیاں، بڑھاپے کی عاشقی

مختلف فصلیں اور ان کے لوازم :- بہار،چاندنی ،جھڑی ، برسات، برسات کا تماشہ ،برسات کی بہاریں،برسات کا لطف، انارکلی ،آگرے کی لکڑی، کورا برتن ،اندھیری ،خربوزے

تصوف :- عشق کی بھنگ ،موت،رہے نام اللہ کا ،بنجارہ نامہ ،سن کا جھوپڑا ،وجد و حال ،آئینہ، دنیا دھوکے کی ٹٹی ہے ،کلجگ ،خدا ہی جانے، مذمت دنیا ،اپنا اسرار قدرت

حکمت :- کوڑی، پیسہ،مفلسی،افلاس کا نقشہ،آٹے دال کا بھاؤ،روٹیاں ،چپاتی ،خوشامد، اہل دنیا، تندرستی اور آبرو، دعائے تندرستی

عشق و محبت :جوگی ،جوگی کا سچا روپ ،ہنس نامہ ،کوے اور ہرن کی دوستی ،قصہ پہلی محبت

ظرافت :- مزے کی باتیں، حسن طلب ،برہ کوک ،چوہوں کا آچار

دیگر نظمیں :- جنم کہانی، بانسری ،بیاہ کنہیا کا ،وسم کتھا، درگا جی کی درشن،بازی شطرنج، مکھیاں ،بٹوا،حنا مہندی، جمنا، راہ ،میلا، چراغ ،دسیرہ، راس لیلا

نظم مفلسی

نظیر اکبر آبادی

جب آدمی کے حال پہ آتی ہے مفلسی

کس کس طرح سے اس کو ستاتی ہے مفلسی

پیاسا تمام روز بٹھاتی ہے مفلسی

بھوکا تمام رات سلاتی ہے مفلسی

یہ دکھ وہ جانے جس پہ کہ آتی ہے مفلسی

کہیے تو اب حکیم کی سب سے بڑی ہے شاں

تعظیم جس کی کرتے ہیں تو اب اور خاں

مفلس ہوئے تو حضرت لقماں کیا ہے یاں

عیسیٰ بھی ہو تو کوئی نہیں پوچھتا میاں

حکمت حکیم کی بھی ڈوباتی ہے مفلسی

جو اہل فضل عالم و فاضل کہاتے ہیں

مفلس ہوئے تو کلمہ تلک بھول جاتے ہیں

وہ جو غریب غربا کے لڑکے پڑھاتے ہیں

ان کی تو عمر بھر نہیں جاتی ہے مفلسی

مفلس کرے جو آن کے محفل کے بیچ حال

سب جانیں روٹیوں کا یہ ڈالا ہے اس نے جال

گر گر پڑے تو کوئی نہ لیے اسے سنبھال

مفلس میں ہوویں لاکھ اگر علم اور کمال

سب خاک بیچ آ کے ملاتی ہے مفلسی

جب روٹیوں کے بٹنے کا آ کر پڑے شمار

مفلس کو دیویں ایک تونگر کو چار چار

گر اور مانگے وہ تو اسے جھڑکیں بار بار

مفلس کا حال آہ بیاں کیا کروں میں یار

مفلس کو اس جگہ بھی چباتی ہے مفلسی

مفلس کی کچھ نظر نہیں رہتی ہے آن پر

دیتا ہے اپنی جان وہ ایک ایک نان پر

ہر آن ٹوٹ پڑتا ہے روٹی کے خوان پر

جس طرح کتے لڑتے ہیں اک استخوان پر

ویسا ہی مفلسوں کو لڑاتی ہے مفلسی

کرتا نہیں حیا سے جو کوئی وہ کام آہ

مفلس کرے ہے اس کے تئیں انصرام آہ

سمجھے نہ کچھ حلال نہ جانے حرام آہ

کہتے ہیں جس کو شرم و حیا ننگ و نام آہ

وہ سب حیا و شرم اڑاتی ہے مفلسی

یہ مفلسی وہ شے ہے کہ جس گھر میں بھر گئی

پھر جتنے گھر تھے سب میں اسی گھر کے در گئی

زن بچے روتے ہیں گویا نانی گزر گئی

ہم سایہ پوچھتے ہیں کہ کیا دادی مر گئی

بن مردے گھر میں شور مچاتی ہے مفلسی

لازم ہے گر غمی میں کوئی شور غل مچائے

مفلس بغیر غم کے ہی کرتا ہے ہائے ہائے

مر جاوے گر کوئی تو کہاں سے اسے اٹھائے

اس مفلسی کی خواریاں کیا کیا کہوں میں ہائے

مردے کو بے کفن کے گڑاتی ہے مفلسی

کیا کیا مفلسی کی کہوں خواری پھکڑیاں

جھاڑو بغیر گھر میں بکھرتی ہیں جھکڑیاں

کونے میں جالے لپٹے ہیں چھپر میں مکڑیاں

پیسا نہ ہووے جن کے جلانے کو لکڑیاں

دریا میں ان کے مردے بہاتی ہے مفلسی

بی بی کی نتھ نہ لڑکوں کے ہاتھوں کڑے رہے

کپڑے میاں کے بنیے کے گھر میں پڑے رہے

جب کڑیاں بک گئیں تو کھنڈر میں پڑے رہے

زنجیر نے کواڑ نہ پتھر گڑے رہے

آخر کو اینٹ اینٹ کھداتی ہے مفلسی

نقاش پر بھی زور جب آ مفلسی کرے

سب رنگ دم میں کر دے مصور کے کرکرے

صورت بھی اس کی دیکھ کے منہ کھنچ رہے پرے

تصویر اور نقش میں کیا رنگ وہ بھرے

اس کے تو منہ کا رنگ اڑاتی ہے مفلسی

جب خوب رو پہ آن کے پڑتا ہے دن سیاہ

پھرتا ہے بوسے دیتا ہے ہر اک کو خواہ مخواہ

ہرگز کسی کے دل کو نہیں ہوتی اس کی چاہ

گر حسن ہو ہزار روپے کا تو اس کو آہ

کیا کوڑیوں کے مول بکاتی ہے مفلسی

اس خوب رو کو کون دے اب دام اور درم

جو کوڑی کوڑی بوسہ کو راضی ہو دم بہ دم

ٹوپی پرانی دو تو وہ جانے کلاہ جسم

کیوں کر نہ جی کو اس چمن حسن کے ہو غم

جس کی بہار مفت لٹاتی ہے مفلسی

عاشق کے حال پر بھی جب آ مفلسی پڑے

معشوق اپنے پاس نہ دے اس کو بیٹھنے

آوے جو رات کو تو نکالے وہیں اسے

اس ڈر سے یعنی رات و دھنا کہیں نہ دے

تہمت یہ عاشقوں کو لگاتی ہے مفلسی

کیسے ہی دھوم دھام کی رنڈی ہو خوش جمال

جب مفلسی ہو کان پڑے سر پہ اس کے جال

دیتے ہیں اس کے ناچ کو ٹھٹھے کے بیچ ڈال

ناچے ہے وہ تو فرش کے اوپر قدم سنبھال

اور اس کو انگلیوں پہ نچاتی ہے مفلسی

اس کا تو دل ٹھکانے نہیں بھاؤ کیا بتائے

جب ہو پھٹا دوپٹہ تو کاہے سے منہ چھپائے

لے شام سے وہ صبح تلک گو کہ ناچے گائے

اوروں کو آٹھ سات تو وہ دو ٹکے ہی پائے

اس لاج سے اسے بھی لجاتی ہے مفلسی

جس کسبی رنڈی کا ہو ہلاکت سے دل حزیں

رکھتا ہے اس کو جب کوئی آ کر تماش بیں

اک پون پیسے تک بھی وہ کرتی نہیں نہیں

یہ دکھ اسی سے پوچھئے اب آہ جس کے تئیں

صحبت میں ساری رات جگاتی ہے مفلسی

وہ تو یہ سمجھے دل میں کہ ڈھیلا جو پاؤں گی

دمڑی کے پان دمڑی کے مسی منگاؤں گی

باقی رہی چھدام سو پانی بھراؤں گی

پھر دل میں سوچتی ہے کہ کیا خاک کھاؤں گی

آخر چبینا اس کا بھناتی ہے مفلسی

جب مفلسی سے ہووے کلاونت کا دل اداس

پھرتا ہے لے طنبورے کو ہر گھر کے آس پاس

اک پاؤ سیر آنے کی دل میں لگا کے آس

گوری کا وقت ہووے تو گاتا ہے وہ ببھاس

یاں تک حواس اس کے اڑاتی ہے مفلسی

مفلس بیاہ بیٹی کا کرتا ہے بول بول

پیسا کہاں جو جا کے وہ لاوے جہیز مول

جورو کا وہ گلا کہ پھوٹا ہو جیسے ڈھول

گھر کی حلال خوری تلک کرتی ہے ٹھٹھول

ہیبت تمام اس کی اٹھاتی ہے مفلسی

بیٹے کا بیاہ ہو تو نہ بیاہی نہ ساتھی ہے

نے روشنی نہ باجے کی آواز آتی ہے

ماں پیچھے ایک میلی چدر اوڑھے جاتی ہے

بیٹا بنا ہے دولہا تو باوا براتی ہے

مفلس کی یہ برات چڑھاتی ہے مفلسی

گر بیاہ کر چلا ہے سحر کو تو یہ بلا

شہدار نانا ہیجڑا اور بھاٹ منڈ چڑھا

کھینچے ہوئے اسے چلے جاتے ہیں جا بہ جا

وہ آگے آگے لڑتا ہوا جاتا ہے چلا

اور پیچھے تھپڑیوں کو بجاتی ہے مفلسی

دروازے پر زنانے بجاتے ہیں تالیاں

اور گھر میں بیٹھی ڈومنی دیتی ہیں گالیاں

مالن گلے کی ہار ہو دوڑی لے ڈالیاں

سقا کھڑا سناتا ہے باتیں رزالیاں

یہ خواری یہ خرابی دکھاتی ہے مفلسی

کوئی شوم بے حیا کوئی بولا نکھٹو ہے

بیٹی نے جانا باپ تو میرا نکھٹو ہے

بیٹے پکارتے ہیں کہ بابا نکھٹو ہے

بی بی یہ دل میں کہتی ہے اچھا نکھٹو ہے

آخر نکھٹو نام دھراتی ہے مفلسی

مفلس کا درد دل میں کوئی ٹھانتا نہیں

مفلس کی بات کو بھی کوئی مانتا نہیں

ذات اور حسب نسب کو کوئی جانتا نہیں

صورت بھی اس کی پھر کوئی پہچانتا نہیں

یاں تک نظر سے اس کو گراتی ہے مفلسی

جس وقت مفلسی سے یہ آ کر ہوا تباہ

پھر کوئی اس کے حال پہ کرتا نہیں نگاہ

دالیدری کہے کوئی ٹھہرا دے رو سیاہ

جو باتیں عمر بھر نہ سنی ہوویں اس نے آہ

وہ باتیں اس کو آ کے سناتی ہیں مفلسی

چولہا توانا پانی کے مٹکے میں آبی ہے

پینے کو کچھ نہ کھانے کو اور نے رکابی ہے

مفلس کے ساتھ سب کے تئیں بے حجابی ہے

مفلس کی جورو سچ ہے کہ یاں سب کی بھابی ہے

عزت سب اس کے دل کی گنواتی ہے مفلسی

کیسا ہی آدمی ہو پر افلاس کے طفیل

کوئی گدھا کہے اسے ٹھہرا دے کوئی بیل

کپڑے پھٹے تمام بڑھے بال پھیل پھیل

منہ خشک دانت زرد بدن پر جما ہے میل

سب شکل قیدیوں کی بناتی ہے مفلسی

ہر آن دوستوں کی محبت گھٹاتی ہے

جو آشنا ہیں ان کی تو الفت گھٹاتی ہے

اپنے کی مہر غیر کی چاہت گھٹاتی ہے

شرم و حیا و عزت و حرمت گھٹاتی ہے

ہاں ناخن اور بال بڑھاتی ہے مفلسی

جب مفلسی ہوئی تو شرافت کہاں رہی

وہ قدر ذات کی وہ نجابت کہاں رہی

کپڑے پھٹے تو لوگوں میں عزت کہاں رہی

تعظیم اور تواضع کی بابت کہاں رہی

مجلس کی جوتیوں پہ بٹھاتی ہے مفلسی

مفلس کسی کا لڑکا جو لے پیار سے اٹھا

باپ اس کا دیکھے ہاتھ کا اور پاؤں کا کڑا

کہتا ہے کوئی جوتی نہ لیوے کہیں چرا

نٹ کھٹ اچکا چور دغاباز گٹھ کٹا

سو سو طرح کے عیب لگاتی ہے مفلسی

رکھتی نہیں کسی کی یہ غیرت کی آن کو

سب خاک میں ملاتی ہے حرمت کی شان کو

سو محنتوں میں اس کی کھپاتی ہے جان کو

چوری پہ آ کے ڈالے ہی مفلس کے دھیان کو

آخر ندان بھیک منگاتی ہے مفلسی

دنیا میں لے کے شاہ سے اے یار تا فقیر

خالق نہ مفلسی میں کسی کو کرے اسیر

اشراف کو بناتی ہے اک آن میں فقیر

کیا کیا میں مفلسی کی خرابی کہوں نظیرؔ

وہ جانے جس کے دل کو جلاتی ہے مفلسی

بنجارہ نامہ

نظم

بنجارہ نامہ

ٹک حرص و ہوا کو چھوڑ میاں مت دیس بدیس پھرے مارا

قزاق اجل کا لوٹے ہے دن رات بجا کر نقارا

کیا بدھیا بھینسا بیل شتر کیا گو میں پلا سر بھارا

کیا گیہوں چانول موٹھ مٹر کیا آگ دھواں اور انگارا